乾花製作
- Sep 6, 2015
- 2 min read
K先生向我求婚後，除左不停re loop 又re loop d 相同video 自我滿足外
我地都不約而同地想將求婚紮花保存落黎
因為紮花真係好靚靚丫！！！
所以就開始google下有咩地方可以幫我地將紮花整成乾花....
點知搵左好多間有賣乾花ge都係只會賣已整好ge 乾花 e.g 小王子花
得一間係有做開幫客人將花球，鮮花整成乾花 ....
我地好開心咁即刻打電話去問價錢
佢地個回覆係： 我地ge收費由＄4500 起 整一紮花 =.=
心想：天啊 仲貴過我紮花多多聲 T.T
然後我再問： 但係我淨係需要整兩三朵喎，個價錢有無得收平d ar?
店員答： 無論一朵定几朵我地都收哩個價，最低要4千5...
於是我就決定求人不如求己啦！！！
要我拎4千5出來整几朵乾花就真係好肉赤，所以我情願辛苦小小自己整
所以我就係網上買左乾躁砂返黎自己整乾花啦 ＾＾
除左乾燥砂之外，仲需要食物盒用黎裝住個花同d砂
我地去日本城買左4個 每個都係＄16
如果整玫瑰就建議買哩種獨立直立式ge，咁樣朵花先可以企起身 五會"責"偏左
先鋪一層砂係底，然後就放朵花入去 再用砂填滿佢就得啦！
然後再放4至5 日，咁就可完成啦！
完成品！！！！！
制成品會比鮮花深色小小，所以如果係紅色玫瑰就會變酒紅色
因為想整成擺設，我就去花虛買左D鏽球花用泥襯托下 ＾＾
要將鏽球整成乾花就要將D小花瓣逐塊撕落黎再用D砂埋起佢
最後最重要ge一步就係要將D乾花整成我心目中想要ge 瓶子花啦！！！
自己整ge乾花大概可以放2年，即係話我仲有兩年時間慢慢回味下
雖然個制作過程有D難度 （要搵岩食物盒又要好小心咁將D乾花砌靚佢！）
不過因為K先生陪住我整，所以哩個成為左另一個好美好ge回憶 ＾＾
希望婚禮可以將哩兩樽瓶小幸福放係reception 俾朋友們欣賞下....！
如果大家想整乾花又5知點整可以問我架！
---細細聲賣個小廣告，其實我instagram都有幫人代訂乾燥砂----
my instagram : mydear020
my LineID: mydeardream
Comments